ആഗസ്ത് 27--ഡെങ്കിപ്പനിക്കെതിരെ ഇക്കോ ക്ലബ്ബിന്റെ നേതൃത്വത്തില്‍ കുട്ടികള്‍ക്കും നാട്ടുകാര്‍ക്കും വേണ്ടി ബോധവത്കരണ ജാഥ സംഘടിപ്പിച്ചു.എന്താണ് ഡെങ്കിപ്പനി എന്ന വിഷയത്തില്‍ ഹെല്‍ത്ത് ഇന്‍സ്പെക്ടര്‍ അജിത്ത് ക്ലാസ്സെടുത്തു.തുടര്‍ന്ന് പ്ലക്കാര്‍ഡുകളേന്തി കുട്ടികള്‍ ജാഥസംഘടിപ്പിച്ചു.നൂറ് വീടുകളില്‍ സൗജന്യമായി ലഘുലേഖ വിതരണം ചെയ്തു.മൂന്നാം ക്ലാസ് പാഠ പുസ്തകത്തിലെ പ്രവര്‍ത്തനവുമായി ബന്ധപ്പെട്ടാണ്
എന്റെ മരം പദ്ധതിയുടെ ഭാഗമായി ലഭിക്കുന്ന വൃക്ഷതൈ നന്നായി പരിപാലിക്കുന്ന 3 കുട്ടികള്‍ക്ക് ഓരോ വര്‍ഷവും വൃക്ഷസനേഹി അവാര്‍ഡ് നല്‍കാന്‍ ഇക്കോ/സീഡ് ക്ലബ്ബ് തീരുമാനിച്ചു.500 രൂപ ക്യാഷ് ,ട്രോഫി,സമ്മാനങ്ങള്‍ എന്നിവയാണ് ഇക്കോ/സീഡ് ക്ലബ്ബ് ഏര്‍പ്പെടുത്തിയ വൃക്ഷസ്നേഹി അവാര്‍ഡ്.റോട്ടറി ക്ലബ്ബ് പ്രവര്‍ത്തകനും വ്യവസായിയുമായ രാജേഷ് കമ്മത്താണ് അവാര്‍ഡ് തുക നല്കുന്നത്.2014-15 വര്‍ഷത്തെ ജേതാക്കള്‍ക്ക് പി ടി എ ജനറല്‍ ബോഡിയോഗത്തില്‍ വെച്ച് രാജേഷ് കമ്മത്ത് അവാര്‍ഡ് വിതരണം ചെയ്തു. 
ലോക പരിസര ദിനത്തില്‍ ആരംഭിച്ച വിഷരഹിത കൃഷി കണ്ണിന് കളിര്‍മയായി വളര്‍ന്ന് വരുന്നു.സീഡ്/ഇക്കോ ക്ലബ്ബിന്റെ നേതൃത്വത്തില്‍ ആരംഭിച്ച കൃഷിയുടെ പരിപാലനത്തിനായി കുട്ടികള്‍ അവധി ദിവസങ്ങളാണ് പ്രയോജനപ്പെടുത്തുന്നത്.30സെന്റ് സ്ഥലത്ത് കപ്പ,ചേന ചേമ്പ്,കച്ചില്‍,മഞ്ഞള്‍ എന്നിവയാണ് കൃഷി ചെയ്തിട്ടുള്ളത്.
കുഞ്ഞുകൈകളില്‍ മൈലാഞ്ചിയണിഞ്ഞ് സ്നേഹ വിരുന്നൊരുക്കി കുട്ടികള്‍ വലിയപെരുന്നാള്‍ ആഘോഷിച്ചു.ഗേള്‍സ് ക്ലബ്ബിന്റെ നേതൃത്വത്തില്‍ നടന്ന മൈലാഞ്ചിയിടല്‍ മത്സരത്തില്‍ 45 ടീമുകള്‍ പങ്കെടുത്തു.സ്നേഹവിരുന്ന് ഹെഡ്മാസ്റ്റര്‍ ഉദ്ഘാടനം ചെയ്തു. ഗേള്‍സ് ക്ലബ്ബ് 
സ്ക്കൂള്‍ വാര്‍ഷിക ജനറല്‍ബോഡിയോഗം ജൂലൈ 10ന് 2മണി മുതല്‍ നടന്നു.155പേര്‍ പങ്കെടുത്തു. വാര്‍ഡ് കൗണ്‍സിലര്‍ പി ലീല ഉദ്ഘാടനം ചെയ്തു.
5,6,7 ക്ലാസുകളിലെ പെണ്‍കുട്ടികള്‍ക്കായി ജുലായ് 4 ശനിയാഴ്ച യോഗ പരിശീലനവും പെണ്‍കുട്ടികളുടെ ശാരീരിക പ്രശ്നങ്ങള്‍ എന്ന വിഷയത്തില്‍ ബോധവല്‍കരണക്ലാസും സംഘടിപ്പിച്ചു.ഇന്റര്‍നാഷണല്‍ യോഗാ ചാമ്പ്യനും പരിശീലകനുമായ ബി ജയറാം പരിശീലനം നല്കി. പെണ്‍കുട്ടികളുടെ ശാരീരിക പ്രശ്നങ്ങള്‍ എന്ന വിഷയം ഗേള്‍സ് ക്ലബ്ബ് കണ്‍വീനര്‍ സുധ കെ വി കൈകാര്യം ചെയ്തു
ബഷീര്‍ ചരമദിനാചരണത്തിന്റെ ഭാഗമായി പ്രദര്‍ശനം സംഘടിപ്പിച്ചു.ബഷീറിന്റെ പുസ്തകങ്ങളും ബഷീറിക്കുറിച്ചുള്ള കട്ടികളുടെ രചനകളുമാണ് പ്രദര്‍ശിപ്പിച്ചത്.
