ഇക്കോ ക്ലബ്ബിന്റെ നേതൃത്വത്തില്‍ കൃഷിചെയ്തുണ്ടാക്കിയ മഞ്ഞളിലയില്‍ ഇലയടയുണ്ടാക്കിക്കഴിച്ച് അധ്വാനത്തിന്റെ മഹത്വമറിഞ്ഞു.കുട്ടികളും അമ്മമാരും മദര്‍ പി ടി എ പ്രവര്‍ത്തകരും ചേര്‍ന്ന് 550അടകളാണ് ഉണ്ടാക്കിയത്.സ്ക്കൂള്‍ വികസനസമിതി ചെയര്‍മാന്‍ അഡ്വ. പി അപ്പുക്കുട്ടന്‍ അട വിതരണത്തിന്റെ ഉദ്ഘാടനം നിര്‍വഹിച്ചു.
സ്ക്കൂളിന്റെ മതിലിനോട് ചേര്‍ന്ന് സ്ഥാപിച്ചിട്ടുള്ള റിലയന്‍സിന്റെ മൊബൈല്‍ ടവര്‍ നീക്കം ചെയ്യുന്നതിനായി ആക്ഷന്‍ കമ്മിറ്റിയുടെ നേതൃത്വത്തില്‍ നടന്ന ബഹുജനമാര്‍ച്ചില്‍ 100ലധികം ആളുകള്‍ പങ്കെടുത്തു.മാര്‍ച് ശ്രീ ഇ ചന്ദ്രശേഖരന്‍ എം എല്‍ എ ഉദ്ഘാടനം ചെയ്തു.വാര്‍ഡ് കൗണ്‍സിലര്‍ ബി ലീല അധ്യക്ഷം വഹിച്ചു.അഡ്വക്കെറ്റ് പി അപ്പുക്കുട്ടന്‍,മോഹനന്‍ ,അജയന്‍ നെല്ലിക്കാട്ട്,സീകെ വല്‍സലന്‍,കൃഷ്ണപ്പൊതുവാള്‍,സംസാരിച്ചു.
