മഹാഗണിമരത്തിന് ജന്മദിനം
എന്റെ മരം പദ്ധതിയുടെ ഭാഗമായി സ്ക്കൂളില് നിന്ന് ലഭിച്ച മഹാഗണിതൈ നട്ട് വളര്ത്തി രണ്ടാം ജന്മദിനം ആഘോഷിച്ച ഏഴാം ക്ലാസ്സിലെ അഞ്ജിതയുടെ വീട്ടില് അധ്യാപകരും കൂട്ടുകാരുമെത്തിയപ്പോള് വീട്ടുകാരും നാട്ടുകാരും ചായയും പലഹാരവും നല്കി സ്വീകരിച്ചു.
ഏഴാം ക്ലാസ്സിലെ ഹിന്ദി ഒന്നാം അധ്യായത്തിലെ ഗുല്മോഹര് കാ ജന്മദിന് എന്ന പാഠഭാഗവുമായി ബന്ധപ്പെട്ടാണ് എന്റെ മരത്തിന്റെ ജന്മദിനം ആഘോ
ഷിക്കാന് കുട്ടികള് തീരുമാനിച്ചത്.ഏഴാം ക്ലാസ്സിലെ മുഴുവന് കട്ടികളും ജന്മദിനം ആഘോഷിച്ചു.കൂട്ടുകാരെ വീട്ടിലേക്ക് ക്ഷണിച്ചും മരത്തെ അലങ്കരിച്ചും,ജന്മദിന ബോര്ഡ് വെച്ചും, മിഠായി, നാരങ്ങാ വെള്ളം,ലഡു,ചായ തുടങ്ങിയവ നല്കിയും മരത്തിന്റെ ജന്മദിനം ആഘോഷിച്ചത് നാട്ടുകാരില് കൗതുകം വളര്ത്തി.
അഞ്ജിതയുടെ വീട്ടിലെത്തിയ ഇക്കോക്ലബ്ബ് കോ ഓഡിനേറ്റര് പി കുഞ്ഞിക്കണ്ണന്,സീനിയര് അസിസ്റ്റന്റ് ആശ പി ആര്,സുധ കെ വി, ജയരാജന് കെ വി,രാജീവന് പി കെ എന്നിവര് ജന്മദിനാശംസകള് നേര്ന്നു
.